E L A N

Azərbaycan Respublikasının Prezidenti  yanında

Dövlət İdarəçilik Akademiyası

bu vakant vəzifəni tutmaq üçün müsabiqə elan edir

Dillər kafedrasının müdiri  - 

Kafedra haqqında məlumat  

Azərbaycan Respublikasının  Prezidenti yanında  Dövlət  İdarəçilik Akademiyasının   Dillər  kafedrası  1999-cu ildən  fəaliyyət  göstərir.      

Dillər  kafedrasında bütün ixtisaslarda  Azərbaycan dili və nitq mədəniyyəti, rus, ingilis, alman, fransız və çin  dilləri tədris olunur.

Kafedra tərəfindən  xarici dilin tədrisində dünya təcrübəsinə istinadən innovativ metodlardan geniş istifadə edilir. Bu yolla dərslərin keyfiyyətini yüksəltməklə yanaşı tələbələrin dərs prosesində aktivliyini artırmaq, idraki fəaliyyətlərinin inkişafına nail olmaları üçün idraki təfəkkürün inkişafını ön plana çəkirlər. Müəllimlər tələbələrin dili yaxşı qavramaları üçün ayrı-ayrı dil vahidləri üzərində geniş müşahidələrə istiqaməti verərək tələbələri yaradıcı axtarışa həvəsləndirir, linqvistik bilik, bacarıq və vərdişlərin əldə edilməsində daim yardımçı olurlar. Tələbələrin imtahanlarda yaxşı nəticə əldə etmələri üçün yüksək bilik aşılayırlar.

Kafedrada çalışan müəllimlər,işlərinə məsuliyyətlə yanaşır,  tədrisin müxtəlif  istiqamətləri üzrə elmi  məqalələr, dərs vəsaitləri, yeni proqramlar tərtib edirlər. 

Bundan başqa  kafedrada tədris olunan  dilləri 2 nəfər elmlər doktoru, professor; 12 nəfər filologiya üzrə fəlsəfə doktoru; dosent; 5  nəfər baş müəllim, 6 nəfər  isə  müəllim tədris edir. Dilin tədrisi üçün kafedranın müəllimləri müxtəlif dil qurumları  ilə, o cümlədən səfirliklərlə və beynəlxalq təşkilatlarla   yaxından əlaqə saxlayır və bir çox elmi konfranslarda, simpoziumlarda, dövlət əhəmiyyətli tədbirlərdə fəal iştirak edirlər.

 Akademiyanın  Dillər kafedrasında ilk kafedra müdiri  əməkdar müəllim, filologiya elmləri doktoru, professor Akif Əmirxan oğlu  Bayramov olmuşdur.

Hal-hazırda  isə  Dillər kafedrasına filologiya üzrə fəlsəfə doktoru, dosent Yusif  Mürsəl oğlu Ağayev rəhbərlik edir.