Dövlət İdarəçilik Akademiyasının tələbəsi “Femida” olimpiadasının qalibi olmuşdur
Azərbaycan Respublikasının Prezidenti yanında Dövlət İdarəçilik Akademiyasının hüquqşünaslıq ixtisası üzrə IV kurs tələbəsi Leyla Ağayeva Rusiya Dövlət Ədliyyə Universitetinin xarici ölkə vətəndaşı olan bakalavrlara magistr səviyyəsində təhsil almaq üçün keçirdiyi beynəlxalq “Femida” olimpiadasında iştirak etmişdir. Olimpiadada 20-dən çox ölkəni təmsil edən 200-dən çox tələbə iştirak etmişdir. L.Ağayeva olimpiadanın I və II mərhələlərini müvəffəqiyyətlə keçərək, birinci yerə layiq görülmüş, Rusiya Federasiyası Hökuməti tərəfindən müəyyən edilmiş xarici vətəndaşların təhsili üçün kvota çərçivəsində Rusiya dövləti tərəfindən maliyyələşdirilən magistr proqranında təhsil almaq hüququ əldə etmişdir. Qeyd edək ki, Dövlət İdarəçilik Akademiyası Siyasi idarəetmə fakültəsinin tələbəsi Leyla Ağayeva akademiyanın ictimai həyatında fəal iştirak edən gənclərdəndi, eyni zamanda o, “Hüquq” kafedrasında da təcrübə keçib.
(5) Comments