Azərbaycan Respublikasının Prezidenti yanında Dövlət İdarəçilik Akademiyasında Milli Müdafiə Universitetinin nümayəndə heyəti ilə görüş keçirilib. Tədbir Müdafiə Nazirliyinin xüsusi təyinatlı təhsil müəssisələri haqqında gənclərin məlumatlandırılması olub. Görüşdə DİA-nın professor-müəllim heyəti, tələbələri iştirak ediblər. Tədbir öncə Şəhidlərin xatirəsi yad edilib və Dövlət Himni səslənib. DİA-nın rektoru akademik Urxan Ələkbərov çıxış edərək Ümummilli Lider Heydər Əliyev tərəfindən müəyyənləşdirilmiş və Prezident İlham Əliyevin uğurla davam etdirdiyi inkişaf strategiyası sayəsində Azərbaycanın qazandığı nailiyyətlərə diqqət çəkib. O, Zəfərin cəmi 44 günə qazanılmasını və Azərbaycanın ərazi bütövlüyünün tam bərpasını dövlətimizin başçısının innovativ inkişaf strategiyasının təntənəli yekunu kimi dəyərləndirib. Akademik U.Ələkbərov cıxışını işğaldan azad olunmuş ərazilərdə aparılan quruculuq işləri, müstəqillik dövründə qazanılan siyasi, iqtisadi, hərbi uğurlar, inklüziv inkişafın idarə olunması sahəsində ölkənin əldə etdiyi nailiyyətlər barədə elmi təhlilə əsaslanan məlumatlarla yekunlaşdırıb. Daha sonra Hərbi Elmi Tədqiat İnstitutunun rektoru, general mayor Arif Həsənov, Vətən müharibəsi qəhrəmanı, polkovnik Nizami Mövlanov, 1-ci dərəcəli kapitan, professor Nurulla Əliyev, Siyasi idarəetmə və politologiya kafedrasının müəllimi, politoloq Zaur Məmmədov, dosent Yusif Ağayev və digərləri çıxış ediblər. Görüşün sonunda dinləyicilərin sualları cavablandırılıb.