Azərbaycan Respublikasının Prezidenti yaninda Dövlət İdarəçilik Akademiyasının tarix kafedrasının professoru, Azərbaycanlı kulturoloq, “Simurq” Mədəniyyət Assosiasiyasının prezidenti, tarix elmləti doktoru,Fuad Məmmədov “Sivilizasiyaların dialoqu və tərəfdaslığının inkişafında müstəsna xidmətlərinə görə” Pitirim Sorokin qızıl medalı ilə təltif edilib.
Professor Fuad Məmmədov Azərbaycanın tanınmış alimi, pedaqoqu, maarifçisi və ictimai xadimidir. Azərbaycanda mədəniyyət haqqında elmin (kulturologiyanın) banisidir. Azərbaycan elmində bu yeni istiqamət, cəmiyyətimizin və dövlətimizin müasirləşməsinə və tərəqqisinə xidmət edir.
Fuad Məmmədov dünya kulturologiyasında ilk dəfə olaraq, dünya şöhrətlı alim Lütfi Zadənin qeyri-səlis məntiqindən istifadə etməklə, innovativ metodologiya, “kulturoloji piramida” universal metodunu və bir sıra innovativ kulturoloji formulalar və anlayışlar işləyib hazırlamışdır. O, ruhi mədəniyyətin inkişafı problemlərinə, cəmiyyətin və dövlətin davamlı və təhlükəsiz inkişafının məqsədi və yenidən hasil olunan strateji resursu – yüksəkmədəniyyətli insanların formalaşdırılmasına yönəlmiş bir sıra fundamental monoqrafiyaların və konsepsiyaların müəllifidir.
Onun mədəniyyət haqqında elmin inkişafına verdiyi töhfə altı beynəlxalq akademiya tərəfindən yüksək qiymətləndirilib. Pitirim Sorokin – tanınmış rus və amerikan kulturoloqu, sosioloqu və pedaqoqudır. O sosial stratiqrafiya və sosial mobillik nəzəriyyələrinin banılərindən biridir. Onun adına təsis olunmuş beynəlxalq mükafat, Beynəlxalq münsiflər heyətinin qərarılə, BMT-nin İqtisadi və Sosial şurasının (ECOSOS) məşvərət statusunu daşıyan, Pitirim Sorokin-Nikolay Kondratyev Benəlxalq institut tərəfindən, görkəmli alimlər və diplomatlar, siyasi və mədəniyyət xadimlərinin xidmətlərinə görə verilir. “Simurq” Azərbaycan Mədəniyyət Assosiasiyası bu yüksək beynəlxalq mükafatı Azərbaycan Respublikasının dünya kulturologiya elminin inkişafindakı xidmətinin tanınması kimi qiymətləndirir. Pitirim Sorokin Qızıl medalı ilə BMT-nın keçmiş baş katibi Kofi Annan,YNESKO-nun iki keçmiş baş katibi, Qazaxıstanın keçmiş prezidenti Nursultan Nazarbayev, Rusiya Elmlər Akademiyasının keçmiş prezidenti və digər tanınmış şəxslər layiq görülüblər. Azərbaycan aliminin təltifatı mərasimində akademik Y.Yakovets, A. Aqeev, S. Qlazyev, S. Farah, Y. Sayamov və başqa tanınmış alimlər iştirak ediblər.