Dövlət İdarəçilik Akademiyasının Elmi təşkilat və beynəlxalq əlaqələr şöbəsinin müdiri, dosent Elvin Əzizbəyov 20-25 may 2024-cü il tarixlərində Almaniya Beynəlxalq Əməkdaşlıq Cəmiyyəti (GIZ) tərəfindən Şərq Tərəfdaşlığı (EaP) proqramı çərçivəsində Almaniyanın Berlin şəhərində təşkil olunmuş “Dövlət sektorunda verilənlərin idarə olunması” adlı təlim proqramında iştirak edib.

Almaniyanın Hertie İdarəçilik Məktəbində Azərbaycan və Şərq Tərəfdaşlığı proqramına üzv dövlətlərin müvafiq qurumlarının nümayəndələrinin iştirakı ilə keçirilən təlimdə məlumatların toplanması, çeşidlənərək kataloqlanması, qorunması və dövlət sektorunda istifadə olunması üsulları haqqında mühazirələr dinlənilmişdir. Təlimin sonuncu günü iştirakçılar qrup və fərdi şəkildə öyrəndikləri mövzulara aid verilən tapşırıqları həll edərək təlimçilər və iştirakçılar üçün təqdimat etmişlər.

Təlim zamanı iştirakçılar Berlin şəhərindəki City Lab adlı məlumat mərkəzində olmuş və müasir texnoloji yeniliklərlə tanış olmuşlar.