Azərbaycan Respublikasının Prezidenti yanında Dövlət İdarəçilik Akademiyasının “Dövlət Qulluğu və Kadr Siyasəti” kafedrasının əməkdaşları Anar Həsənov və Esmira Niftili 16-20 iyun tarixlərində Almaniya Beynəlxalq Əməkdaşlıq Cəmiyyəti (GIZ) tərəfindən təşkil edilən “Şərq Tərəfdaşlığı Ölkələrində Kouçların Təlimi” adlı təhsil proqramının növbəti modulunda iştirak ediblər. Gürcüstan Respublikasının Maliyyə Nazirliyinin Təlim Mərkəzində Azərbaycan və Şərq Tərəfdaşlığı proqramına üzv dövlətlərin müvafiq qurumlarının nümayəndələrinin iştirakı ilə keçirilən təlim proqramında peşəkar kouçinq təfəkkür tərzi, səmərəli ünsiyyət, kouçinqin təşkilatlarda tətbiqi kimi məsələlər ilə bağlı təcrübə mübadiləsi aparılmışdır.