Dövlət İdarəçilik Akademiyasının məzunu Böyük Britaniyanın Edinburq Universitetinə qəbul olub

Azərbaycan Respublikasının Prezidenti yanında Dövlət İdarəçilik Akademiyasının (DİA) məzunu Maişat Vəlimətova “Gənclərin xarici ölkələrin nüfuzlu ali təhsil müəssisələrində təhsil almalarına dair 2022-2026-cı illər üçün Dövlət Proqramı” çərçivəsində tam təqaüdlə Böyük Britaniyanın Edinburq Universitetində ictimai siyasət (Public Policy) ixtisası üzrə magistratura səviyyəsinə qəbul olub. M. Vəlimətova 2019-2023-cü illərdə DİA-da dövlət və ictimai münasibətlər ixtisası üzrə bakalavr təhsili alıb. Akademiyaya 640 balla qəbul olub. O, orta məktəbi “Ədəbiyyat biliciləri” Respublika müsabiqəsində 1-ci yeri qazanaraq qızıl medalla bitirib.