14 noyabr 2024-cü il tarixində Azərbaycan Respublikasının Prezidenti yanında Dövlət İdarəçilik Akademiyasının rektoru akademik Urxan Ələkbərov COP29 çərçivəsində ADA universitetində təşkil olunmuş “Environmental Bridges to Peace and Prosperity” (Sülh və Rifah üçün Ekoloji Körpülər) adlı beynəlxalq konfransda “Innovative Public Administration Technologies: Azerbaijan's Road to COP29” (İnnovativ Dövlət İdarəçiliyi Texnologiyaları: Azərbaycanı COP29-a aparan yol) mövzusunda məruzə ilə çıxış etmişdir. Məruzədə ölkədə tətbiq olunan innovativ dövlət idarəçiliyi texnologiyalarının nəticəsi olaraq, Azərbaycanın qlobal iqlim dəyişikliyinin qarşısının alınmasının əsas göstəricisi olan enerji keçidi indeksinə görə dünyada 32-ci mövqedə qərarlaşması və bir sıra inkişaf etmiş ölkələri üstələməsi, beynəlxalq təşkilatlar tərəfindən nəşr edilən hesabatlara əsaslanaraq təqdim olunmuşdur.