DİA-da “Yerli özünüidarəetmədə gender bərabərliyinin təmin olunması: nailiyyətlər və müsbət təcrübə” mövzusunda onlayn ixtisasartırma kursu keçirilib
Azərbaycan Respublikasının Prezidenti yanında Dövlət İdarəçilik Akademiyasında iyun ayinın 19-da “Yerli özünüidarəetmədə gender bərabərliyinin təmin olunması: nailiyyətlər və müsbət təcrübə” mövzusunda onlayn formatda ixtisasartırma kursu keçirilib. Onlayn kursa yerli özünüidarəetmə orqanlarından 25 nəfər bələdiyyə sədr və müavinləri cəlb olunmuşlar.
Kursun əsas məqsədi “Qlobal fövqəladə şəraitdə innovativ dövlət idarəçiliyi texnologiyalar: Azərbaycanın təcrübəsi”, “Dövlət qadın siyasəti və yerli özünüidarəetmədə gender bərabərliyi”, “Bələdiyyələrin təşkilatı fəaliyyətinin əsas aspektləri”, “Pandemiya dövrünün gender aspektləri: beynəlxalq və milli təcrübə”, “Bələdiyyələrin hüquqlarının müdafiəsi istiqamətində assossasiyaların rolu” və s. problemlərlə bağlı biliklərin dinləyicilərə çatdırılması və onlar ilə fikir mübadiləsinin aparılması idi.
Kurs ərzində “Yerli özünüidarəetmədə gender bərabərliyinin təmin olunması: nailiyyətlər və müsbət təcrübə” mövzusunda onlayn formatda ixtisasartırma kursu üzrə – Prezidenti yanında Dövlət İdarəçilik Akademiyasının rektoru akademik Urxan Ələkbərov, Ailə, Qadın və Uşaq Problemləri üzrə Dövlət Komitəsinin sədri Bahar Muradova və sədr müavini Sədaqət Qəhrəmanova, İnformasiya və analitik araşdırmalar şöbəsinin müdiri Elgün Səfərov, Hüquqi-təminat şöbəsinin müdiri Taliyə İbrahimova, İnformasiya və analitik araşdırmalar şöbəsinin baş məsləhətçisi Aynur Veysəlova, Azərbaycan Şəhər Bələdiyyələri Milli Assossasiyasının icra katibi Tofiq Həsənov, Dövlət İdarəçilik Akademiyasının İnzibati idarəetməsi fakültəsinin dekanı professor Xatirə Hüseynova müxtəlif mövzularda mühazirələrlə çıxış etmişlər.
