Azərbaycan Respublikasının Prezidenti yanında Dövlət İdarəçilik Akademiyası 2015-ci il üçün aşağıdakı ixtisaslar üzrə doktorantura və dissertanturaya (fəlsəfə doktoru proqramı üzrə) qəbul elan edir:

 Doktorantura

Elm sahələri və ixtisaslar	Şifrələr	Cəmi	Büdcə hesabına
			əyani	qiyabi
SİYASİ ELMLƏR:	59
Beynəlxalq münasibətlər	5901.01	2	1	1
Siyasi institutlar və sistemlər	5904.01	2	1	1
Siyasi nəzəriyyə	5908.01	2	1	1
Dövlət idarəçiliyi	5909.01	2	1	1
İQTİSAD ELMLƏRİ:	53
Sənayenin təşkili və dövlət siyasəti	5309.01	1		1
Müəssisələrin təşkili və idarə olunması	5311.01	1	1
HÜQUQ ELMLƏRİ:	56
Konstitusiya hüququ; bələdiyyə hüququ	5607.01	1	1

 

Dissertantura

Elm sahələri və ixtisaslar	Şifrələr	Cəmi	Ödənişli əsaslarla
SİYASİ ELMLƏR:	59
Beynəlxalq münasibətlər	5901.01	2	2
Dövlət idarəçiliyi	5909.01	2	2
İQTİSAD ELMLƏRİ:	53
Daxili fiskal siyasət və dövlət maliyyəsi	5301.01	1	1
Sənayenin təşkili və dövlət siyasəti	5309.01	1	1
Müəssisələrin təşkili və idarə olunması	5311.01	1	1
HÜQUQ ELMLƏRİ:	56
Konstitusiya hüququ; bələdiyyə hüququ	5607.01	1	1

Qəbul qaydaları

1. Təhsil Nazirliyi tərəfindən təsdiq edilmiş plan üzrə doktoranturaya ali təhsili olan (ali təhsil pilləsinin magistratura səviyyəsini bitirən, yaxud təhsili ona bərabər tutulan) Azərbaycan Respublikasının vətəndaşları qəbul olunurlar. Dissertant kimi təhkim olunmaq istəyən şəxslər, bir qayda olaraq, elmi və elmi-pedaqoji iş stajına malik olmalıdırlar.

2. Doktoranturanın tam kursunu bitirən şəxs eyni ixtisas üzrə təkrarən doktoranturaya qəbul oluna bilməz.

3. Doktorantura və dissertanturaya qəbul üçün aşağıdakı sənədlər təqdim edilir:

–  rektorun adına ərizə;

–  kadrların şəxsi-qeydiyyat vərəqi;

–  tərcümeyi-hal;

–  2 ədəd fotoşəkil (3×4 sm ölçüdə);

–  iş yerindən xasiyyətnamə;

–  iş stajı olanlar üçün əmək kitabçasından çıxarış (doktoranturaya istehsalatdan ayrılmaqla qəbul olunan şəxslərin əmək kitabçası doktoranturaya təqdim edilir);

–  çap olunmuş elmi işlərin siyahısı və ya seçilmiş ixtisas üzrə referat;

– ali təhsil müəssisəsini bitirmək haqqında diplomun müvafiq qaydada təsdiq edilmiş surəti (xarici ölkələrdə təhsil almış Azərbaycan Respublikasının vətəndaşları üçün təhsil haqqında sənədlərin tanınması barədə Azərbaycan Respublikası Təhsil Nazirliyi tərəfindən verilmiş şəhadətnamə);

–  şəxsiyyəti təsdiq edən sənədin surəti.

Diplomun əsli, şəxsiyyət vəsiqəsi şəxsən təqdim edilir.

Referat doktoranturaya sənəd təqdim etmiş şəxsin seçdiyi ixtisasa uyğun olmalı, müvafiq elmi problemlərin ətraflı təhlilini özündə cəmləşdirməli, tədqiqatçının elmi axtarışlarının nəticələrini əks etdirməlidir.

Qəbul haqqında ərizə və sənədlər 2015-ci il noyabr ayının 7-dək aşağıda göstərilən ünvana təqdim olunmalıdır:

 

    Ünvan:  Bakı, Lermontov küçəsi 74, Elmi təşkilat şöbəsi, otaq 34 

          Tel:  (012) 492-65-52.