DİA əməkdaşı Türk Dövlətləri Təşkilatına üzv ölkələrin insan resurslarının inkişafına həsr olunmuş növbəti görüşündə iştirak edib

18 iyul 2025-ci il tarixində Azərbaycan Respublikasının Prezidenti yanında Dövlət İdarəçilik Akademiyasının (DİA) Elm və beynəlxalq əlaqələr üzrə prorektoru, professor Elvin Əzizbəyov Qırğızıstan Respublikasının Nazirlər Kabineti yanında Dövlət Xidmətləri və yerli İdarəetmə Agentliyi və Jusup Abdrahmanov adına Qırğızıstan Respublikasının Prezidenti yanında Dövlət İdarəçilik Akademiyasının birgə təşkilatçılığı ilə Issık-Kul vilayətində keçirilən Türk Dövlətləri Təşkilatına (TDT) üzv ölkələrin insan resurslarının inkişafına məsul olan təşkilatların rəhbərlərinin IV görüşündə iştirak edib.

TDT-nin Baş katibi, onun müavinləri, Türkiyə Respublikası Prezidentinin Admi­nistrasiyasının İdarəetmə İşləri İdarəsinin Kadrlar və Prinsiplər üzrə Baş direktoru, TDT-yə üzv ölkələrinin Dövlət Qulluğu Məsələləri üzrə Agentliklərinin sədrləri, eləcə də bu ölkələrdə fəaliyyət göstərən Dövlət İdarəçilik Akademiyalarının rəhbər şəxsləri və nümayəndələrinin iştirakı ilə keçirilən görüşdə Türk Dünya­sı İnsan Resurslarının İnkişafı İnstitutunun yaradılmasına dair Anlaşma Memorandumu­nun əsas müddəaları, TDT-yə üzv ölkələrdə insan resurslarının idarə edilməsi sahəsində Dövlətlərarası Şuranın yaradılması konsepsiyası, İnsan resurslarının inkişafı kapitalının yaradılmasına dair konsep­tual yanaşmalar, Tədqiqat Mərkəzi və TDT-nin “İnsan kapitalının inkişafına töhfəyə görə (qeyri-dövlət qulluqçusu)” mükafatın təsis olunması ilə bağlı əsasnamənin müddəaları və gələcək əməkdaşlıq istiqamətləri haqqında müzakirələr aparılmışdır.

Qırğızıstan Respublikasının Nazirlər Kabineti yanında Dövlət Xidmətləri və yerli İdarəetmə Agentliyinin sədrinin moderatorluğu ilə keçirilən görüşdə Elvin Əzizbəyov “Türk Dövlətləri Təşkilatında insan kapitalının inkişafı: ortaq məqsədlər və strateji yanaşmalar” mövzusunda məruzə ilə çıxış etmişdir.